* حبيب ماما اللى هيعمل زي اسبونج بوب و يبقي شطور * 👏😍

شجعيه يا أمي يغسل أسنانه عشان الموضوع ده أساسه التعود 👌

أيوة * أبنك على ما تعوديه * 💪😂

ناس كتير عايزين يعتنوا بأسنان أطفالهم من البداية قبل ما يصابوا بتسوس 🙁

فى شوية تعليمات عايزين نعرفها مع بعض : 😉👇

1- من بعد سنة و نص بالكتير لازم تبدأى بتعويد طفلك على العناية أسنانه و غسيلها 3 مرات فى اليوم خاصة بعد كل وجبة

2- عرفيه انه لازم يكون ليه فرشاه خاصة بيه و أشرفي على غسيله لغاية سن 6 سنين مثلا

3- علميه الطريقة الصحيحة لغسيل أسنانه عن طريق كرتون أو اي حاجة بيحبها ممكن يتعلق بيها

4- كمان ممكن يقلد والديه فى السن ده الأطفال بتحب التقليد ف تقدرى تخليه يتعلم منكوا الطريقة الصحيحة لغسيل أسنانه

5- اختارى الفرشاة اللى تتميز ب أيد طويلة وشعيرات ناعمة

6- خليكي حريصة انه قبل ما ينام مش يأكل حلويات و أتأكدي انه يغسل أسنانه

7- انه يبلع المعجون ده مفهوش خطر لأن الكمية اللى على الفرشاه بتكون ب حجم البازيلاء و ده مش كتير لدرجة تأثر عليه و لكن حاولى فى البداية تكوني معاه و هو بيغسل أسنانه ( لأن لو كل مرا غسل فيها أسنانه بلع المعجون سعتها هيكون خطر أكيد )

8- و اخيراً خصصي مرتين فى السنه على الأقل لزيارة الدكتور عشان لو فى أى حاجة الدكتور يكتشفها بدرى

نصائح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *